Parlament Senatynyń Tóraǵasy Qasym-Jomart Toqaev belgili saıasatker, Hadson ınstıtýtynyń aǵa ǵylymı qyzmetkeri, «Eýrazııa tańy» («The Dawn of Eurasia») kitabynyń avtory Brýný Masaıshty qabyldady.
Saıasatker bul kitapta Jibek jolynyń jańa tujyrymdamasy turǵysynda Qytaıdyń aýqymdy ınfraqurylymdyq «Bir beldeý, bir jol» jobasynda Eýrazııanyń keleshegi kórinis tapqanyn, Gonkong pen Sıngapýrdyń jemisti damýyn, sondaı-aq Túrkııanyń jahandyq róli arta túskenin shynaıy jetkizip otyr.
Senat Tóraǵasy osyǵan baılanysty Eýrazııa qurlyǵynyń Shyǵysy men Batysyn, Soltústigi men Ońtústigin jalǵastyratyn tranzıt aýmaq retinde bizdiń elimizdiń strategııalyq ornyn nyǵaıtýǵa járdemdesetin Qytaı megajobasynyń áleýeti joǵary ekenin atap ótti. Kólik-logıstıka haby retinde Qazaqstan basty ról atqaratyn bolady jáne eldiń ınvestısııalyq tartymdylyǵy arta túsedi.